[A:610a]'jam mgon a mes zhabs/ sngags 'chang kun dga' bkra shis/ yab rje bsod nams rin chen/ ngag dbang kun dga' blo gros man gong dang 'dra/
gzhan yang lung rgyun yod cing brgyud pa ma nges pa bla ma sku khams bzang la zhes pa lta bu mdzad pa po ma rnyed pa 'di rigs la tshogs lung zhes grags shing/ brgyud pa med kyang 'don srol ni snga mo rang nas kun gyi bzhed srol yin zhes 'jam mgon gnas gsar bas gsungs par grags/ de ltar na dpal sa skya'i chos spyod rab gsal byin rlabs myur 'jug ces bya ba shog grangs bcu phrag bcu gcig dang / nyag ma dgu yod pa'i nang yongs rdzogs thob pa'i skor de tsam mo/ /
yang gong gi gur drag phrin gzhung dang / dbang chog gnyis kyi steng nas rtsa ba thugs gter lho brag srin mo sbar rjes can gyi brag nas mnga' bdag nyang ral chen po nyi ma 'od zer gyis spyan drangs pa'i gter kha gu ru drag po thod phreng rtsal drag po dmar chen gyi dbang bzhi byin rlabs kyi tshul du bskur ba thob pa'i brgyud pa ni/ chos sku snang ba mtha' yas/ longs sku thugs rje chen po/ sprul sku padma 'byung gnas/