[A:622b]mchog gi ring lugs gdams pa rgya mtsho'i bcud/ /
'dzin cing spel la skye ba'i tshul bzung ba/ /
thugs rje mtshungs med rgyal ba'i myu gu zhes/ /
brtul zhugs spyod pas rol la gus phyag 'tshal/ /
mdo sngags chos kyi yang snying grub pa'i lam/ /
mkha' 'gro'i thugs bcud lta sgom spyod 'bras chos/ /
grub dbang thugs kyi gsang mdzod las 'ongs pa/ /
legs par bstsal ba'i bka' drin 'bri bar bya/ /
zhes mchod brjod dam bca' sngon du btang nas/ 'dir rim par phye ba brgyad pa a mdo'i ri sked bya bral ba chen po thugs rje myu gu las zhus pa'i brgyud rim dgod pa ni/ thams cad mkhyen gzigs 'jam dbyangs mkhyen brtse'i dbang po'i zab mo dag snang gi chos sde las/ dgung grangs bco lnga zhes pa'i skabs su grub chen thang stong rgyal pos dngos su bstsal ba'i grub thob thugs tig gi rtsa dbang/ tshe dbang/ lta sgom spyod pa bogs 'byin 'bras bu rnams kyi khrid/ phrin las dang / tshe sgrub rtsa gzhung / so so'i dbang chog khrid yig gter gzhung bcas thob pa'i brgyud pa ni/ 'chi