[A:625b]sems bskyed kyi sdom pa sbyin pa sngon du 'gro bas/ nam mkha' sgo 'byed kyi byin rlabs smin rgyas/ o rgyan yongs grags kyis mdzad pa'i zab dbang gi chu bo chen po'i steng nas rdul tshon gyi dkyil 'khor du phag mo lha lnga'i dbang bzhi mtha' rten dang bcas pa/ chos bdag phag mo'i brda dbang rgyas pa gshongs chen pas mdzad pa'i yig cha ltar stsal ba/ gshongs chen pa'i yig cha'i steng nas mkha' 'gro'i tshe sgrub ting 'dzin 'chi med dbang bskur bcas legs par nos pa'o/ /
gnyis pa grol byed khrid kyi rim pa ni/ snyan brgyud rdo rje'i tshig rkang la/ rdo rje'i tshig 'byed nges don rab gsal sbyar ba gzhir bzhag ste slob dpon gyi 'brel ba brtags pa dang / sngon 'gro'i rim pas rgyud sbyong ba nas/ dngos gzhi lta bas thag bcad pa/ lam sgom pas nyams su blang ba la/ thun mong nam mkha' sgo 'byed dang 'brel ba'i zab mo shes rab gtso bor ston pa'i lam dang / khyad par phag mo'i zab dbang dang 'brel bar rgya che ba thabs gtso bor ston pa rdo rje gsum gyi lam dang / zung 'jug brgyud pa bzhi ldan du la zla ba/ rjes spyod pa bskyangs nas 'bras bu grub pa'i tshul dang bcas pa rnams yig chung so sos brgyan te/