[A:68a]thams cad kyi gsang sngags yi ge brgya pa'i bzlas lung dang / aShTI bzlas lung gnyis kyi brgyud pa ni/ mdzad pa po nas bzung mkhan chen rdo rje 'chang gzhan phan snying po dang / zhabs drung bstan 'dzin snying pos bdag la gnang ba'i bar lam 'bras pod dmar rtsa ba'i brgyud pa ji lta ba bzhin no/ /
'jam mgon kun blos mdzad pa'i rten 'brel srung ba'i byin rlabs bya tshul rten 'brel rab gsal gyi brgyud pa ni/ ngag dbang kun dga' blo gros nas bzung / gong ngag chos kyi byin rlabs rnams kyi brgyud pa ltar ro/ /
snyigs dus kyi rgyal ba gnyis pa rje mkhyen brtse'i dbang pos mdzad pa'i rten 'brel snying po'i gzungs dang 'brel ba'i srung ba zab mo byin rlabs man ngag dang bcas pa la dge slong nor ban rakShi tas tho gar yul nas rnyed/ ces pa dang / rje btsun sa skya pa chen pos mdzad pa/ 'jam dbyangs sa paN gyi gsung sgros chos rgyal 'phags pas mdzad pa bcas yig rnying tsho gsum dang / rje nyid kyi gsung rten 'brel srung ba'i byin rlabs bya tshul man ngag