[A:78a]ldan pa'i sems bskyed rnal 'byor dbang phyug dang / nA ro ta pa gnyis kyi khyad chos rje btsun sa skya pa chen po la bka' babs pa'i phyag rgyun dri med ngag chos yig steng nas thob pa'i brgyud pa ni/ ngor chen yan gong slob bshad skabs dang 'dra zhing/ de phyin 'og nas 'byung ba'i khrid kyi brgyud pa ltar ro/ /
gsum pa la rgyud sde chen po bzhi bzhugs pa nas/ 'dir skabs su babs pa bla med gtso bor gyur pa/ de las kyang zab gsang gnyis su med pa'i rgyud dang man ngag las byung ba dpal kye rdo rje'i chos skor/ de'ang gdan sa chen po dpal ldan sa skya pa 'di nyid du/ zhal ngo bu slob dang bcas pas gnang rgyun ma chad par bzhugs pa'i brgyud yig 'og tu 'byung zhing / 'dir gsung ngag tshogs bshad thog ma e wa~M chos ldan du thob pa'i skabs kyi thob tshul brgyud rim bcas 'bri na/ rgyal bas lung gis bsngags pa'i ngor chen rdo rje 'chang kun dga' bzang pos/ 'og min gnyis pa dpal e wa~M chos ldan du/ lo re re bzhin gsung ngag rin po che gtsor mdzad pa'i sdom pa gsum