[A:104a]rnams kyis bsgyur bshad 'chad nyan gyi sgo nas snang bar mdzad la/ bstan pa'i mnga' bdag rje btsun sa skya pa yab sras gtso bor gyur pa'i rdo rje 'dzin pa ches mchog tu gyur pa rnams kyi bka' srol dri ma med pa las byon pa'i sgrub thabs yan lag dang bcas pa'i skor bka' yod la lhad ma zhugs pa'i rgyun ji snyed bzhugs pa thams cad phyogs gcig tu bsgrigs pa sgrub thabs rin po che kun las btus pa zhes yongs su grags pa'i chos sde 'di nyid kyi smin grol rgyab brten dang bcas pa gang las brgyud pa'i yi ge rnam par dag pa ji ltar rnyed pa bri ba la/ de yang thog mar dge ba'i lha gsum las/ tshe dpag med dkar po grub chen mi tra dzo ki'i lugs kyi rjes gnang thams cad mkhyen pa dkon mchog lhun grub kyi yig cha ltar nos nas/ des mdzad pa'i sgrub thabs rjes gnang dang bcas pa dang / brgyud 'debs 'chi med rdo rje'i sgra dbyangs/ rgyun khyer/ bsnyen pa byed tshul rjes gnang gi gsal byed dang bcas pa 'chi med grub pa'i