[A:༡༠༤ན]རྣམས་ཀྱིས་བསྒྱུར་བཤད་འཆད་ཉན་གྱི་སྒོ་ནས་སྣང་བར་མཛད་ལ། བསྟན་པའི་མངའ་བདག་རྗེ་བཙུན་ས་སྐྱ་པ་ཡབ་སྲས་གཙོ་བོར་གྱུར་པའི་རྡོ་རྗེ་འཛིན་པ་ཆེས་མཆོག་ཏུ་གྱུར་པ་རྣམས་ཀྱི་བཀའ་སྲོལ་དྲི་མ་མེད་པ་ལས་བྱོན་པའི་སྒྲུབ་ཐབས་ཡན་ལག་དང་བཅས་པའི་སྐོར་བཀའ་ཡོད་ལ་ལྷད་མ་ཞུགས་པའི་རྒྱུན་ཇི་སྙེད་བཞུགས་པ་ཐམས་ཅད་ཕྱོགས་གཅིག་ཏུ་བསྒྲིགས་པ་སྒྲུབ་ཐབས་རིན་པོ་ཆེ་ཀུན་ལས་བཏུས་པ་ཞེས་ཡོངས་སུ་གྲགས་པའི་ཆོས་སྡེ་འདི་ཉིད་ཀྱི་སྨིན་གྲོལ་རྒྱབ་བརྟེན་དང་བཅས་པ་གང་ལས་བརྒྱུད་པའི་ཡི་གེ་རྣམ་པར་དག་པ་ཇི་ལྟར་རྙེད་པ་བྲི་བ་ལ། དེ་ཡང་ཐོག་མར་དགེ་བའི་ལྷ་གསུམ་ལས། ཚེ་དཔག་མེད་དཀར་པོ་གྲུབ་ཆེན་མི་ཏྲ་ཛོ་ཀིའི་ལུགས་ཀྱི་རྗེས་གནང་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་ཡིག་ཆ་ལྟར་ནོས་ནས། དེས་མཛད་པའི་སྒྲུབ་ཐབས་རྗེས་གནང་དང་བཅས་པ་དང་། བརྒྱུད་འདེབས་འཆི་མེད་རྡོ་རྗེའི་སྒྲ་དབྱངས། རྒྱུན་ཁྱེར། བསྙེན་པ་བྱེད་ཚུལ་རྗེས་གནང་གི་གསལ་བྱེད་དང་བཅས་པ་འཆི་མེད་གྲུབ་པའི་