[A:259a]dbang lugs mkhan chen sangs rgyas phun tshogs yig steng nas rjes gnang lung bcas mkhan chen rnal 'byor 'jam dpal bzang po las kyang mkhyen brtse rdo rje 'chang gis gsan mod de brgyud pa de nyid du gsal/
! ras chung lugs kyi gtum po lha lnga'i dbang rje yon tan rgya mtsho'i zhabs dang / mchog sprul karma nges don las 'jam mgon mkhyen brtses gsan te brgyud pa btsal/
! karma pa dus gsum mkhyen pa'i bka' 'bum las thugs dam lnga tshan lnga sogs thob pa'i brgyud pa gong ma rnams tshol/ des nas rje chos kyi 'byung gnas/ bdud 'dul rdo rje/ padma nyin byed dbang po/ nges don bstan pa rab rgyas/ mchog sprul rin po che karma nges don dbang po/ des bdag la'o/ /zhes mkhyen brtse'i zhabs kyis gsungs pas jo lugs rta mgrin shwa na bzhi skor gyi brgyud pa 'di bzhin la/ rjes gnang gi rgyun rin 'byung la bsnyeg dgos zhes snang ba de'i brgyud pa drang bar bya ste/ 'jam mgon yon tan rgya mtsho las mkhyen brtses gsan to/ /