[A:400b]na/ mkhyen brtse'i nus mthu mchog gi 'byor pa can/ /dpal ldan bla ma nam mkha'i mtshan can zhabs/ /'dren mchog de yi drin las rnyed par gyur/ /ces zab pa las kyang ches zab pa'i snying nang gi khrag lta bu snyan nas snyan dang / zhal nas zhal du brgyud pa'i gdams pa rnams ni/ yab 'jam dbyangs chos rje nam mkha' rgyal mtshan kho na las gsan cing / de yan du gdams pa kha 'thor nas shes rlom phal cher gyis zing zing por gyur nas rtogs dka' ba dag bstan pa rin po che'i lcags rir nag po 'gro shes kyi tshul du bkod pa gnang ba yin pas/ spyir snyan brgyud kyi glegs bam yongs rdzogs bka' dam pa ma zad/ gsang ba yid bzhin nor bu'i yi ge 'di dus gcig la snod ldan gyi slob ma gcig la chig brgyud du spel ba'i phyag len nyams pa med cing /'di'i rgyu mtshan yang / ji skad du/ mthu chen grags pa'i dbang phyug gdong bzhi la/ /gnyer du gtad do dam nyam snod min la/ spel na de'i snying khrag gsol bar mdzod/ /bla ma la gus dam tshig snying rjer ldan/ /bstan la sems pa'i snod ldan byung gyur na/ /thog mar dam bsgrags chig