[A:༢༤༩]བཞིའི་སྡོམ་གསུམ་གྲོལ་འཕྲལ་ཨ་ལི་ཆོས་རྗེ་ཅན་དུ་ཕེབས་རྒྱུའི་བླ་མ་རྣམས་གསུམ་བསྐོ་བཞག་དང༌། མི་རིང་བར་ཨ་ལི་ཆོས་རྗེ་དཔོན་གཡོག་ལ་འཐོན་ཕྱག་ཐོག་རྣམ་ཀུན་དོན་ཡོད་ཀྱི་བཀའ་ལུང་འདི་ལྟར་བསྩལ་ཏེ། སྤྱིར་ཆོས་འཇིག་རྟེན་གང་བྱེད་ཀྱང་ལུགས་ལེགས་དགོས་ཚུལ། ཁྱད་པར་ཆོས་ལུགས་གྲུབ་མཐའ་གང་བྱེད་ཀྱང་སངས་རྒྱས་ཀྱི་བསྟན་པ་དང་མཐུན་པའི་བཤད་སྒྲུབ་བྱེད་དགོས་ཀྱང༌། དུས་སྙིགས་པས་དེ་བཞིན་དཀོན་ཞིང༌། ཁྱེད་རྣམས་ནས་བསྟན་པ་སྤྱི་དང་བྱེ་བྲག་ལ་དྭངས་དད་དེ་བཞིན་རྗེས་སུ་ཡི་རང་གི་གནས་ཡིན་འདུག མདོ་སྔགས་བསྟན་པ་སྤེལ་བའི་བླ་འཕྲལ་བཀོད་བགྱིས་ཡོད་ཅིང༌། འདིར་འབྱོར་ཐོག་ཀྱང་ནང་སོའི་ཉམས་གསོ་གྲུབ་ནས་རྟེན་རྣམས་ཕེབས་པ་དང་འགྲིག་པས་རྟེན་འབྲེལ་ལེགས་ཤིང༌། སྤྲུལ་སྐུ་རང་ཡང་ལོ་གཞོན་ནུ་ལ་མཁྱེན་སྒོ་ཡངས་པས་མདོ་སྔགས་ཐོས་བསམ་སྒོམ་པ་སོགས་ཧུར་ཐག་མཛད་པ་དང༌། སྦྱིན་བདག་རྣམས་ཀྱང་དད་ཞེན་ཆེ་ངོ་བཅས་གང་སར་ལེགས་ལམ་ཆེ་ཞིང༌། མ་གིར་ཡང་རྣམ་དཀར་གྱི་བགྱི་བ་ཡང་དག་ལྡན་དགོས་ལུགས་རྣམས་བཀའ་བསྩལ་བས། སྤྲུལ་སྐུ་ནི་བཅོས་མིན་དད་གུས་ཀྱིས་དབང་མེད་སྤྱན་ཆབ་ཉིལ་བཞིན་དུ། གང་ཅིའི་མཚམས་ལ་དེ་བཞིན་དང་གནས་སྐབས་ཀུན་ཏུ་སྐྱབས་འཇུག་གིས་རྗེས་འཛིན་ཞུ་བ་སོགས་དང་དད་ཤུགས་ཀྱིས་གདུངས་བའི་རྣམ་འགྱུར་ཅི་ཡང་གཡོ་བའི་སྐབས་སོ།།
དགུང་གྲངས་ཞེ་གཅིག་ཏུ་ཕེབས་པ་ས་གླང་རྒྱལ་ཟླའི་ཚེས་ལྔར་བཀའ་