[A:༤༡༢]རྺ་པས་རྒྱལ་ཡུམ་བདག་མེད་མ་ལས་དངོས་སུ་གསན་པའི་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་སྐོར་ལ། ཚོགས་བཤད་དང་། སློབ་བཤད་དུ་གྲགས་པ་གཉིས་ལས། དང་པོ། ཚོགས་བཤད་མཁན་ཆེན་ངག་དབང་ཆོས་གྲགས་ཀྱི་ཡིག་སྟེང་ནས། སྔོན་འགྲོ་སྣང་བ་གསུམ་གྱི་འཁྲིད། རྒྱབ་རྟེན་ལུང་གི་སྐོར་ལ། བིརྺ་པའི་རྣམ་འགྱུར་དྲུག་གི་སྒོ་ནས་བསྟོད་པ་བླ་མ་རྒྱ་བོད་ཀྱི་ལོ་རྒྱུས་ནས་བཟུང་ཡབ་རྗེ་བསོད་ནམས་རིན་ཆེན་བར་གྱི་བླ་བརྒྱུད་རྣམ་ཐར་རྣམས་དང་གསུང་ངག་བྱུང་ཚུལ་ལེགས་བཤད་འདུས་པའི་རྒྱ་མཚོ་རྣམས་སྔོན་དུ་འགྲོ་བའི། བརྒྱུད་པའི་ཁྱད་པར་གཉིས་ལྡན་གྱི་སེམས་བསྐྱེད་རྣམས་དང་། ལམ་གྱི་དངོས་གཞི་རྒྱུད་གསུམ་གྱི་སྒོ་ནས་དཀྲི་བ་ལ། ཐོག་མར་སློབ་མ་རྗེས་འཛིན་སོགས། དབང་གི་མངོན་པར་རྟོགས་པ་བརྒྱད་དང་ལྡན་པའི་རྡུལ་ཚོན་གྱི་དཀྱིལ་འཁོར་དུ་རྒྱུ་དུས་ཀྱི་དབང་བསྐུར་བ་རྩ་སྔགས་ཨཥྚཱའི་བཟླས་ལུང་དང་བཅས་པ། ལུས་དཀྱིལ་འཁྲིད་ཀྱི་སྔོན་འགྲོར། ཐབས་རྒྱུད་ཀྱི་གཙོ་བོ་ལམ་དུས་ཀྱི་དབང་བསྐུར་བ་ཡི་གེ་བརྒྱ་པའི་བཟླས་ལུང་དང་བཅས་པ། གསང་དབང་གི་འཁྲིད་ཀྱི་སྔོན་འགྲོར། རྗེ་བཙུན་རྡོ་རྗེ་བདག་མེད་མའི་རས་དཀྱིལ་དུ་དབང་བསྐུར་དང་། སིནྡྷུ་རའི་དཀྱིལ་འཁོར་དུ་བྱིན་གྱིས་བརླབས་པ་བཅས་ལྟ་བའི་སྐབས་སུ་དམ་ཚིག་རྣམ་བཤད་དང་བཅས། དངོས་གཞིའི་འཁྲིད་བརྒྱུད་གསུམ་སྙིང་པོའི་ལེགས་བཤད་ཇི་ལྟ་བ་བཞིན་དང་། རྒྱབ་རྟེན་ལུང་ལ། རྗེ་བཙུན་གྱི་དཀར་ཆག་ནང་བཞིན་གླེགས་བམ་པོད་སེར་མ། རྒྱལ་ཚབ་དམ་པའི་དཀར་ཆག་ནང་བཞིན་པོད་