[A:༤༢༣]ཡིན་པའི་རྗེས་གནང་། ཚོགས་བདག་དམར་ཆེན་ཁྱད་པར་བའི་རྗེས་གནང་ཤེའུ་ལོ་ཙཱ་བའི་ཡིག་ཆ་ལྟར་དང་། དཀོན་མཆོག་ལྷུན་གྲུབ་ཀྱི་ཡིག་ཆའི་སྟེང་ནས་འདོད་རྒྱལ་གྱི་རྗེས་གནང་ངོར་ལུགས་ཐུན་མོང་མ་ཡིན་པའི་ལུང་དང་བཅས་པ། ས་སྐྱ་པའི་གསེར་ཆོས་ཛམ་དམར་སྲོག་སྒྲུབ་ཀྱི་རྗེས་གནང་གོང་དཀར་རྡོ་རྗེ་གདན་པས་མཛད་པའི་རྗེས་གནང་གི་ཡིག་ཆུང་། རྨོར་ཆེན་གྱིས་མཛད་པའི་རྗེས་གནང་བྱ་ཚུལ་བཅས་ཀྱི་ལུང་དང་། ཆོས་སྲུང་གི་སྐོར་ལ། རྫོང་ཆུང་པ་འཇམ་དབྱངས་གྲགས་པས་མཛད་པའི་མངོན་དཀྱིལ་དང་། རྡོ་རྗེ་གདན་པས་མཛད་པའི་ལྷན་ཐབས། ངག་ཆོས་པའི་ཟིན་བྲིས། རྗེ་རང་གིས་མཛད་པའི་ཡི་གེ་རྣམས་ཀྱི་སྟེང་ནས། བྲམ་ཟེ་ཆེན་པོ་བརྒྱུད་པའི་གུར་གྱི་མགོན་པོ་གྲི་གུག་ལྷ་ལྔ། བླ་མ་མལ་ལོས་བཞེད་པའི་གུར་མགོན་ལྷ་བརྒྱད། བླ་མ་བྲག་སྟེང་མའི་གུར་མགོན་ལྷ་བཅུ་གཉིས་མ་གྱི་ལྗང་ལུགས་ཀྱི་མགོན་པོ་ལྷ་བཅུ་བདུན་མ། སྙན་བརྒྱུད་ལུགས་ཀྱི་གྲི་གུག་ལྷ་ལྔ་རྣམས་ཀྱི་དབང་། སྒོ་རུམ་པའི་ཡིག་ཆའི་སྟེང་ནས་བ་རི་ལོ་ཙཱ་ནས་བརྒྱུད་པའི་མགོན་རྐྱང་གི་རྗེས་གནང་ཐུན་མོང་མ་ཡིན་པ་དང་། སངས་རྒྱས་རིན་ཆེན་དང་། ཐར་པཎ་གྱི་ཡིག་ཆའི་སྟེང་ནས་ལོ་ཆེན་ནས་བརྒྱུད་པའི་གུར་མགོན་ལྕམ་དྲལ་ལྷ་གསུམ་སྦྲགས་ཏེ་སྒྲུབ་པའི་རྗེས་གནང་ལུང་བཅས། སྔགས་འཆང་ཆེན་མོའི་ཡིག་སྟེང་ནས་གུར་ལྷ་བརྒྱད་ཀྱི་རྗེས་གནང་ལུང་བཅས། ཚར་ཆེན་གྱི་ཡིག་ཆ་དང་། དབང་རབ་པས་མཛད་པའི་གཅིག་ཤེས་ཀུན་གྲོལ་རྣམས་ཀྱི་སྟེང་ནས་ལྷ་བརྒྱད་ཐུན་མོང་མ་ཡིན་པའི་རྗེས་གནང་། མགོན་