[B:8b]དེ་ལས་གྱེས་པ་གཉན་རྩེ་རང་ན་མ་ཁྲིགས་སྡེ་གསུམ་དུ་གྲགས་པ་བྱུང་ངོ་། །དྲུག་པ་ཤེས་རབ་ཡོན་ཏན་གྱིས་གྲོམ་པ་གཡའ་ལུང་དུ་བཞུགས། དེ་ལ་སྲས་གཉིས་བྱུང་བའི་ཆུང་src: LINE missing here![A:17]བཞུགས། གཙུག་ཏོར་ཤེས་རབ་ལ་སྲས་བདུན། ཁུ་བོ་དང་བཅས་པ་ནས་གྱེས་པ་ལ་འཁོན་ཚོ་བརྒྱད་དུ་གྲགས། བདུན་པོ་ལྔ་པ་འཁོན་དགེ་སྐྱབས་ཀྱིས་ཕྱིས་ཤབ་ཏུ་བྱོན། དེ་ལས་སྲས་གཉིས་བྱུང་བའི་ཆུང་བ་ལ་ཤབ་སྟོད་ཀྱི་འཁོན་མི་རྣམས་གྱེས་པ་ཡིན། ཆེ་བ་དགེ་མཐོང་ལ་སྲས་གཅིག་བྱུང་ག་ལ་འཁོན་སྟོན་བལ་པོ་ཞེས་བྱ་བ། ཚ་མོ་རོང་གི་བྲག་ལ་ཡང་ཕུར་གྱི་སྒྲུབ་པ་མཛད་པས་གྲུབ་པ་བརྙེས། བསྟན་མ་བཅུ་གཉིས་བྲན་དུ་འཁོལ། དེ་ལས་སྲས་ཤཱཀྱ་བློ་གྲོས༑ འདིས་བྱ་རུང་ཁུང་པ་དང་ཤབ་སྟོད་སྨད་བཟུང་། ཕྲིན་ལས་ཆེ་བ་བྱུང་། སྐུ་ཚེའི་སྨད་ལ་ཡབ་མེས་ཀྱི་ཡུལ་གཡའ་ལུང་མཁར་ཐབས་བཟུང་། སྲས་གཉིས་བྱུང་བའི་ཆེ་བ་འཁོན་རོག་ཤེས་རབ་ཚུལ་ཁྲིམས། ཆུང་བ་འཁོན་དཀོན་མཆོག་རྒྱལ་པོའོ། །གཅེན་གྱིས་ལོ་སྟོན་རྡོ་རྗེ་དབང་ཕྱུག་གི་མཁན་བུ་ཞུ་སྟོན་བརྩོན་འགྲུས་དྲུང་དྲུ། གཞོན་ནུ་ནས་གོ་མིའི་དགེ་བསྙེན་མཛད། ཚངས་སྤྱོད་ཤིན་ཏུ་བཙུན་པས་སྲས་མེད། ཡབ་མེས་ཀྱི་ཆོས་ལ་མཁས། རྡོ་རྗེ་ཕུར་པའི་གྲུབ་པ་ཐོབ། མཐུ་དང་རྫུ་འཕྲུལ་བསམ་གྱིས་མི་ཁྱབ་པར་གྲགས་སོ། །དེ་ཡན་ཆད་འཁོན་རིམ་པར་བྱོན་པ་རྡོ་རྡོ་རྗེ་རིན་ཆེན་ནས་གདུང་རབས་དགུ་སོང་། ཁ་ཅིག་ཤེས་རབ་ཡོན་ཏན་གྱི་སྲས་ཡོན་ཏན་འབྱུང་གནས། དེའི་སྲས་ཚུལ་ཁྲིམས་རྒྱལ་པོ་ཡིན་ཟེར་བའང་གདུང་རབས་དག་པ་རྣམས་ལས་