[A:184]
སེམས་ཅན་ཐམས་ཅད་བདེ་དང་ལྡན་གྱུར་ཅིག །
དེ་ལྟར་བསམ་ལས་བྱུང་བའི་དགེ་བ་རྣམས། །
ཐོགས་མེད་དུས་ནས་ཕན་པ་མང་བྱས་པའི། །
སེམས་ཅན་རྣམས་ལ་ལྟོས་མེད་བྱིན་ཟིན་གྱི། །
བདེ་བའི་འབྲས་བུ་གཞན་ལ་སྨིན་གྱུར་ཅིག །
རྨོངས་པ་བདག་ནི་ཚེ་རབས་ཐམས་ཅད་དུ། །
ངན་སོང་གསུམ་དུ་དུ་ཁ་གྱུར་ཀྱང་སླའི། །
བདག་གི་དུས་གསུམ་བསགས་པའི་དགེ་བ་དེས། །
འགྲོ་བས་ཞི་བདེའི་གོ་འཕང་ཐོབ་གྱུར་ཅིག །
དཀར་ཆག་འདི་ནི་ནོར་བུ་རིན་ཆེན་ཏེ། །
བློ་ལྡན་རྣམས་ཀྱི་བཞེད་པ་ཀུན་འབྱུང་ཞིང་། །
དུམ་བུ་རེས་ཀྱང་དགོས་འདོད་འགྲུབ་པའི་ཕྱིར། །
ནོར་བུ་རིན་ཆེན་ཅི་ཡི་ཕྱིར་མ་ཡིན། །
ཡིད་བཞིན་ནོར་བུ་འདི་ནི་སུས་འཛིན་པ། །
དམ་པ་རྣམས་དང་གང་དུ་མཇལ་གྱུར་ཀྱང་། །
ཐུགས་ལ་དགའ་བ་ཡང་ཡང་སྐྱེད་ནུས་པས། །
མཁས་པའི་མདུན་སར་དེ་ཉིད་མཆོག་ཏུ་འགྱུར། །
ཆོས་ལྡན་སྐྱེས་བུ་གང་དུ་འདུག་ནའང་། །
ཚིག་གི་དཔལ་འདིས་ཡིད་ཀྱི་དགའ་བ་འཕེལ། །
ཉོན་མོངས་རང་དགར་སྤྱད་པས་བློ་བྲིད་པ། །