[A:104]snang zhing / khong rang gis mdzad zer ba'i grub pa'i mtha' chen mo'i dbu na/ grub mtha' rtsad chod pa'i skabs na gsal glo/ /de'i slob ma se spyil bu ba ni/ 'khrungs yul gnyal stod dar ma sgang / gdung rus se/ mtshan dngos chos kyi rgyal mtshan/'dis bya 'chad kha ba chen po dang mjal nas/ yun ring du sten zhing yon tan bum pa gang byo'i tshul du thugs su chud/ sngar 'chad kha ba chen pos lung bstan pa bzhin/ 'chad ba gsar ma btab/'chad kha ba chen po'i nang rten la sku lder rin po che dang phyi rten gyi mchod rten la sogs pa rnams bzhengs/ klung shod la byon nas spyil bu'i dgon pa btab/ rnam g.yeng spangs nas/ stod du mkhar gong la kha/ smad du nyung zhing sgang du mtshams mtho brgyab nas/ lo bdun gyi bar mtshams mi 'da' bar mdzad/ lo bdun song rting / brag dkar gnas brtan la sogs 'chad kha rnams kyis spyan drangs nas/ 'chad khar dgun chos la 'byon par zhal gyis bzhes te byon pas/ ding sang gi bar du/ dbyar gyi tshul 'jug spyil por mdzad/ dgun chos 'chad khar gsung ba'i srol de nas byung / de lta bu bla ma dge ba'i bshes gnyen des gdul bya du ma smin par mdzad nas spyil bur bde bar gshegs/ dung g.yas su 'khyil ba la sogs pa rten ngo mtshar can mang du byon/ bla ma 'di la sras kyi thu bo lha chen po/ rdo sa'i rnal 'byor byang seng / rgya