[A:129]rjes su khong rang gi slob ma chu mig pa seng ge dpal gyis gdan sa lo bco brgyad mdzad/ de'i rjes su ldan ma grags rin gyis gdan sa lo brgyad mdzad/ de'i rjes su lho brag pas gdan sa mdzad / de rjes khong rang gi slob ma nyang stod pa ye shes mgon gyis lo bdun mdzad/ de rjes lho brag pas bskyar nas snga phyi re mos 'gril bas bla chos nyi shu rtsa gnyis gsungs/ de'i rjes su btsan dgon pas gdan sa lo nyi shu mdzad/ de'i rjes su khong rang gi slob ma bla brang dbon pas gdan sa mdzad/ de'i rjes su slob dpon gzhon rin gyis gdan sa mdzad/ de rjes lha sa ba/ de'i rjes ya tse pa/ de rjes lha yul ba/ de rjes sher bzang / de rjes rin grags pa dang yon rgyal la sogs pa gling stod pa'i gdan sa'o/ /gzhan yang lo tstsha ba chen po'i chos brgyud 'dzin pa ni/ lo tstsha ba chen po'i dngos slob sras kyi thu bo bzhi'i nang nas/ khyung po rin chen grags kyi slob ma stod lur rgya dmar/ stag pa kha che la sogs las brgyud pa nyang stod gnas par/ smon gro ba la sogs pa'o/ /'bre shes rab 'bar gyis nyang stod gnas snying du chos bshad/ phar phyin gyi grwa sa btsugs te/ las stod dkon dkar gyi gdan sa mdzad cing /deng sang gi bar du de'i mi rgyud kyis 'dzin/ gtsang pa 'bre rgud kyis dga' ba gdong / bya rong tshang la sogs su bshad de/ de rnams 'bre nas brgyud pa'o/ /ad byang yes kyis gnam tseng ldeng