[A:145]dga' 'bar 'khrungs te/ de nyid gzhon nu la rgya gar du byon/ ma ga tar slob gnyer mdzad/ rig pa'i gnas lnga la mkhas par gyur nas bod du byon par grabs byas pa'i thog tu tshad pa'i snyung gzhi byung nas dgung lo nyi shu rtsa gnyis pa la ma ga ta nyid du sku gshegs so/ /jo mo che ba tsha mo rong pa'i jo yin pa ma gcig 'od sgron bya ba la sras gsum 'khrungs pa'i che ba de slob dpon rin po che bsod nams rtse mo zhes bya ste/ de nyid yab dgung lo nga gcig bzhes pa'i dus chu pho khyi lo la sku 'khrungs shing / gcung la gdan sa'i mthil zhugs gtad de/ dgung lo bzhi bcu zhe gcig pa chu pho stag gi lo smal po zla ba'i tshes bcu gcig la bde bar gshegs so/ /'di mi thub zla ba'i sprul par grags so/ /de'i gcung rje btsun grags pa rgyal mtshan yab dgung lo nga drug bzhes pa mes mo yos la 'khrungs/ sku che ba'i yon tan bsam gyis mi khyab pa rnams chos rje pas mdzad pa'i rnam thar nas ston la/ phyag rjes dbu rtse rnying ma bzhengs/ gdan sa ni lo nyer drug pa nas bdun cu'i bar lo zhe lnga mdzad nas/ bdun cu pa me pho byi ba'i khra zla ba'i tshes bcu gnyis la bde ba can du gshegs so/ /de'i gcung dpal chen 'od po ni yab dgung lo nga dgu pa lcags pho rta lo'i smin drug zla ba'i nyer lnga la 'khrungs te/ dgung lo nga bzhi pa chu mo phag gi lo zla ba lnga pa'i tshes nyer gcig la bde bar gshegs so/ /bla ma dpal chen 'od po de nyid la sras gnyis ma gcig gar phu ma nyi