[A:146]khri lcam bya ba la 'khrungs te/ che ba de chos rje sa skya pa NDi tazhes grags te/ mtshan kun dga' rgyal mtshan dpal bzang po bya ba yin no/ /de nyid yab dgung lo so gsum bzhes pa chu pho stag gi lo khra zla ba'i tshes nyer drug la 'khrungs shing / de yum gyi lhums su bzhugs pa'i dus su/ klu'i rgyal po rin po che'i rgyan ltar mi bzod pa gcig khyod la gnas g.yor zer ba yum la rmis shing / lhums su bzhugs pa na yum la ting nge 'dzin bzang po skyes/ sku bltams pa na bar snang 'od kyis khengs pa dang / bltams nas gog shes tsa na snga ma'i bag chags sad pas/ sam tri ta'i skad smra ba byung /bo dong rin po che la sogs dag pa'i gdul bya 'ga' zhig gis 'jam dbyangs dang dbyer med par mthong zhing / nges pa rnyed la/gzhan yang gsang ba'i gnas ltar mi mngon pa dang / dbu'i gtsug tor gsal por 'phags pa dang / smin mtshams kyi mdzod spu dung ltar g.yas su 'khyil ba yon tan mang dang ldan no/ /mngon par shes pa yang mnga' ste/ byang ngos su byon pa'i dus su/ shing mo sbrul gyi lo ston zla 'bring po shar ba dang / phyags phebs nas grongs pa'i lo gcig gi gong lcags pho khyi'i ston zla tha chung shar ba'i tshe/drung na 'dug pa 'ga' zhig la/ lcags phag la zhing gzhan du gshegs zer ba thog tu phebs gsungs/ de lta bu'i bla ma des bzhi thog gzim khang btab/ shing pho 'brug la hor yul du byon/ spyir