[A:148]ri ru sku gshegs so/ /bla ma de la rigs kyi sras lcam sring brgyad 'khrungs pa las/ ma gcig kun skyid la gnyis 'khrungs pa'i che ba de bla ma 'phags pa blo gros rgyal mtshan dpal bzang po zhes bgyi ste/bla ma 'di yab dgung lo nga gnyis bzhes pa'i dus shing mo lug gi lo zla ba gsum pa'i tshes drug la sku bltams te/ dgung lo gsum pa la sgrub thabs mtsho skyes thugs la gsungs pas kun gyi ya mtshan du 'dzin te/ 'di ni nges par 'phags pa'o zhes phyogs kun tu grags pas/ de tshur bcad 'phags pa'o zhes mtshan du grags so zhes rnam thar las bshad kyang / 'ga' zhig na re/ 'di'i dus su chos rje sa skya pa jo bo shAkya mgon gyis gdan drangs nas yar lung du byon/smon 'gro na chos gsung gi yod pa'i skabs su/ ma gcig kun skyid la sras 'khrungs zhes pa'i gtam snyan skyel ma slebs pas/ chos rje pa'i gsung gis de shin tu legs/ de gzhan las khyad par du 'phags pa gcig yod par 'dug pas ming 'phags pa lug skyes bya bar thogs shog bar chad mi 'byung bar bya ba'i phyir gtor ma gcig 'dzugs dgos pa de/ klu mes kyi gnas yin pas thang po cher byed gsungs nas/ thang po che'i dbu rtse rnying mar gtor ma gtsugs pa de dus phyis bar du yod do/ /de nas bla ma 'phags pa dgung lo bcu lon pa shing pho 'brug gi lo la chos rje pa'i phyag phyir byang ngos su byon pa'i lam du zul phur nam za 'phrod gsol la slob dpon zhus/ dge tshul