[A:150]brtsigs pa yin no/ /de nas sbrul lo la gong du byon/ lo bdun bzhugs nas
rting la dpon chen kun dga' bzang pos bo du gdan drangs/ yar lam ren po che ston tshul gyis g.yo 'bas phang thor gin ba lang de gong sogs gnas gzhi stong rtsa brgyad phul/ da lta phyis gzhis pas kha 'jug pa rnams yin
me pho byi ba lor gdan sa chen por phyags phebs/ me mo glang lo la chu mig chos 'khor mdzad/ stag lo la thugs dam bka' 'gyur bzhengs/ mdor na de lta bu'i bla ma dam pa 'di bsod nams can gyi se chen rgyal po dang yon mchod du 'brel/ skad ris mi gcig pa'i rgyal khams mang po la bstan pa rin po che dar zhing rgyas par mdzad/ khyad par du bod dang bstan 'dzin rnams kyi shed skyed/ 'di nas bzung ti shrI gu shrI la sogs pa'i mtshan rim par thob nas/ gdung rgyud rin bo che 'di bstan 'dzin dang bod khams yongs la bka' drin che ba'i rgyu mtshan/mu tig 'ja' sa rim pas mgo byas/ gdan sa chen po na yod pa'i bstan pa shed skyed kyii 'ja' sa rnams la gsal/ de ltar chos rje gshegs nas bla ma 'dis chos kyi rgyal srid lo nyi shu rtsa dgu'i bar du bskyangs te/ dgung lo bzhi bcu rtsa drug bzhes pa lcags pho 'brug gi lo smal po zla ba'i nyer gnyis snga dro ngo mtshar ltas du ma dang bcas te dpal ldan sa skya'i lha khang bla brang gi gzim khang du bde bar gshegs so/ /bla ma 'di'i mdzad spyod dang gsan yig bstan pa'i