[A:153]bzhugs pa'i nang rten shel gyi mchod rten chen po mdzad/ de bzhugs pa'i gtsug lag khang me tog ra ba'i sde chen po bzhengs/ der lo lnga tsam bzhugs nas/ slar bod du byon pa'i thad du mdo khams su phebs/ bla ma 'di nyid kyis dgung lo bcu bzhi nas nyi shu'i bar gdan sa lo bdun mdzad de dgung lo nyi shu pa me mo phag gi lo smal po zla ba'i tshes bco brgyad la ngo mtshar ba'i ltas du ma dang bcas mdo khams tre maNDal du bde bar gshegs so/ /bla ma 'di'i sras ngharma bha tra zhes bya ba jo mo stag 'bum la 'khrungs te gzhon nu la grongs skad do/ /bla ma ye shes 'byung gnas la sras gcig 'khrungs te/ bdag nyid chen po bzang po dpal zhes bgyi/ de nyid yab bla ma ye shes 'byung gnas dgung lo nyer lnga bzhes pa'i dus su chu pho khyi lo la ma gcig khas smad pa'i jo mo gcig la 'khrungs pa yin te skyes stobs kyi thugs rab phun sum tshogs pa mnga' yang / smon lam gyi dbang gis gzhon nu
dgung lo bco brgyad ba la
nas gong du byon te/slob gnyer la sogs pa cher mdzad rgyu ma byung la/ gong ma'i lung gis bla ma 'phags pa la dbon po gzhan mi 'dug pas/ gdung rgyud spel du chug gsungs/ ma gcig khab tu bzhes te lha khang bla brang du bzhugs
slar dbus gtsang du byon nas yab mes kyi chos lugs dri ma med pa rnams gsan sbyong mdzad de/ bsnyen par rdzogs pa'i mtshan don yod rgyal mtshan dpal bzang po zhes bgyi la