[A:154]rting du bu yan rgyal po'i lung gis bzhi thog tu bskos/ bla ma nyid kyis dgung lo bzhi bcu zhe lnga nas re gsum pa'i bar lo bcu dgu gdan sa mdzad nas/ re gsum pa shing pho byi ba la bzhi thog gzim khang du sku gshegs so/ /bla ma 'di la rigs kyi sras bcu gnyis sras mo gnyis te bcu bzhi 'khrungs so/ /thog mar gong du bzhugs pa'i dus su/ slob dpon bsod nams bzang po dbang
'dir gzhon nu'i dus su byang ngos su chang gu'i gung gi ming thob] rtsing la gi gan rgyal pos sras co un bha gan gnang / dbang gi ming byin nas bod du byon pas mdo khams su 'das
dang / de nyid dang yum gcig pa'i sras mo gcig 'khrungs skad do/ /slar gdan sar phyags phebs nas ma gcig mang gar ma la bla ma chen po kun dga' blo gros rgyal mtshan dpal bzang po yab dgung lo so brgyad bzhes pa'i sa mo phag gi lo la 'khrungs te/ rnam thar rgya'i yig tshang na/ bla ma dang rgyal po gang byon pa thams cad la mdzad spyod 'phral la yi ger 'debs pas/ de'i lugs bzhin bltas na bla ma 'di dang bla ma 'phags pa gnyis mtshungs zhes thos la/ de lta bu'i bla ma dgung lo nyi shu rtsa dgu bzhes pa'i dus me mo yos la me tog ra ba'i sde chenapor bde bar gshegs so/ /bla ma bdag nyid chen po'i btsun mo ma gcig nam mkha' rgyal mo bya ba la sras gsum 'khrungs pa'i che ba de la bla ma mkhas btsun chen po nam mkha' legs pa'i blo gros rgyal mtshan dpal bzang