[A:157]khams 'ja' kha dog lnga'i gur khyim khyad par du 'phags pa sngar sus kyang mthong ma myong ba'i bkod pa dang / me tog kha dog sna lnga'i char skye bo thams cad kyi mthun snang du kha ba bab pa tsam/ gdan sa chen po dang / gzhan yang bla ma dam pa 'di gar bzhugs pa'i sa cha dang /chos gsung pa thams cad du'ang dus gcig tu 'bab pa la sogs pa khyad du 'phags pa'i ltas du ma dang bcas nas rin chen sgang gong ma'i gzim khang du bde bar gshegs so/ /bla ma 'di'i gcung bla ma dam pa bsod nams rgyal mtshan dpal bzang po ni chu pho byi ba'i lo la ngo mtshar ba'i ltas du ma dang bcas te zha lu khang gsar du sku 'khrungs shing / dgung lo bcu bdun pa la thar par gshegs nas 'dzam bu'i gling 'dir thub pa'i bstan pa ches gsal bar mdzad pa'i tshul rnams mdo khams kyi char skyes pa chos rje rin po che nyid dang / mkhan chen phyogs las rnam par rgyal ba'i rjes su bzung nas/ sde snod kyi don rtogs shing / khyad par du byams pa dang 'brel ba'i chos sde nyi shu la blo gros yangs pas/ byams chos pa zhes yongs su grags pas/ drung nyid du zhal ta zhus te/ sgro skur dang bral bar bris pa'i rnam thar nas ston la/ de lta bu'i 'jig rten gsum gyi 'dren pa dam pa de nyid dgung lo drug cu rtsa bzhi'i steng du shing mo yos kyi lo chu stod zla pa'i yar ngo'i tshes bcu la dpal bsam yas lhun gyis grub pa'i chos sde chen po/ mkhan po bo dhi sa twa la sogs lo paN mang pos