[A:158]bsten pa'i gnas khyad par can du bde bar gshegs pa yin te/ bde bar gshegs pa'i bstan pa yang / dang po gang nas dar ba'i sa nas nub par 'gyur ces zer ba dang mthun par snang ngo / /bla ma'i bla ma dam pa khyod kyis chos rnams kun gyi bcud phyung nas/ /dus mang dag tu lan mang ston pas 'gro ba gzhan tshim pa yi thugs rje can/ /mkhas pa'i mkhas pa khyod zhabs bsten pas mkhas gzhan smin nas 'gro ba yi/ /'dren pa'i 'dren pa mchog gi 'byung gnas gcig pu de ni gang du gshegs/ /srid pa'i 'ching ba kun las grol kyang srid par bde legs 'byung ba'i gzhi/ /chos kun rang bzhin gcig par rtogs kyang chos rnams gdul bya'i blo bzhin ston/ /dag pa'i zhing du sngon nas gshegs kyang dag min 'gro ba 'dren pa de/ /skye 'chi'i yul las kun nas 'das kyang skye rgu'i blo ngor mya ngan 'das/ /ston pa'i bstan pa nges pa'i don du lnga stong gnas zhes gsungs pa'ang rdzun/ /gnas par nges na gangs can ljongs 'dir khyod dang mnyam du nub 'di ci/ /'phongs pa rnams kyi mgon du gyur ces zhal gyis bzhes zhes 'khums pa'ang rdzun/ /'phongs pa skyob na gangs can 'di las dman pa'i gang zag su zhig mchis/ /skal pa med na de tshe khyod kyis de nyid lhag par ci mi skyob/ /skal ldan 'gro ba bde bar gnas la khyod kyis thugs rjes ci zhig 'tshal/ /'gro ba 'di dag 'dren pa khyod gyis spangs ma thag tu sngon med pa'i/ /du kha rgyu 'bras mang pos