[A:159]dkrigs nas shin tu nyams thag gyur pa'i tshul/ /dus ngan skye bo'i blo yul du'ang byar mi rung ba gsar bu yi/ /chos lugs mang po sa 'dzin ngos 'di rab tu g.yos pa'i tshul mthong nas/ /shes bya'i dkyil 'khor chen po skyengs nas gnas skabs gzhan du bros pa snyam/ /ci phyir zhe na shes bya'i gnas lugs phal cher zhig pa'i tshul 'dis so/ /khyod sku lta ba'i skal ba med kyang khyod kyi phrin las rnam mang po/ /bstan pa'i rtsa lag mchog tu gyur pa'i bstan 'dzin mdzad pa mtha' las pas//bdag sogs 'khor bar lhung ba'i rgyu rkyen bdag 'dzin ri bo cher snyil 'tshal/ /dam pa khyod las mgon gzhan ma mchis dam pa khyod kyis da dung skyongs/ /bla ma bdag nyid chen po bzang po dpal gyi sras rnams la sras ji ltar 'khrungs she na/ gong du slob dpon chen po bsod nams bzang po dbang la sras gcig sras mo bud dha gan zhes bya ba la shing pho byi ba lo la 'khrungs pa rab tu byung nas/ slob dpon chen po rad Na zhes grags shing / kon dhing gu shrI'i mtshan thob/ dgung lo nyi shu rtsa lnga la pho brang chen por zhi bar gshegs so/ /bla ma chen po ti shri kun dga' rgyal mtshan dpal bzang po bsnyen rdzogs ma mdzad gong du sras gcig 'khrungs pa la/ ma gcig byang pa mo la slob dpon chen po chos kyi rgyal mtshan dpal bzang po chu pho spre'u'i lo la sku 'khrungs/chang gu'i gung gi mtshan thob/ rting la gong du byon/ thung ming shi skyo'i ta dben gu shrI'i mtshan thob/ bla chen pa sku gshegs pa'i rjes