[A:160]su/ gong du byon pas lam du sku gshegs/ bla ma kun spangs pa'i lcam mo la slob dpon chen po blo gros rgyal mtshan dpal bzang po chu pho spre'u'i lo la 'khrungs pa la/ bla ma 'phags pa'i go sa gu shrI'i mtshan byin nas bzhi thog bzung / slob dpon chen po kun dga' legs pa'i rgyal mtshan dbang la sras lcam sring bzhi 'khrungs pa la/ dbang gi btsun mo gung thang khab pa'i lha gcig kun skyong rgyal mo bya ba la slob dpon ma bsod nams 'bum 'khrungs so/ /ma gcig pa'i dpon mo dge 'dun 'bum zhes bya ba la sras gsum 'khrungs pa'i che ba der slob dpon chen po bsod nams blo gros rgyal mtshan dpal bzang po zhes bgyi ste/ 'di nyid yab dgung lo rtsa lnga bzhes pa'i dus su chu pho sbre'u'i lo la sku 'khrungs te/ gong ma'i bla mchod gyi rgan pa ti shrI'i mtshan bod nas gsol te/ rgya yul du byon/ dgung lo sum cu rtsa gcig bzhes pa stag gi lo la me tog ra bar gshegs/ de'i gcung bar pa de mtshan ma gsol gong du gzhon nu la gshegs/ de'i gcung slob dpon chen po grags pa rgyal mtshan dpal bzang po me pho byi ba lo la sku 'khrungs te/ gong mas thugs la btags nas dbang gi mtshan dam kha byin/ nyi ma nub phyogs shes su bcug pa yin/ dgung lo bzhi bcu rtsa gcig bzhes pa me pho 'brug gi lo la stag tshang rdzong khar gshegs so/ /drung mkhas btsun chen po'i sras bla ma kun dga' rin chen rgyal mtshan dpal bzang po bas gtso mdzad/ da lta zhal