[A:165]dpon kun dga' rgyal mtshan pa/ gsum pa slob dpon nyi ma gzhon nu la 'das pa'o/ nub pa'i thog ma 'u yug pa bsod nams seng ges chos rje pa la thug de la zangs tsha'i bla brang nyis thog phog de'i gcung po gcig gi sras bla ma kun smon yang chos rje pa la jug de'i gcung kun dga' mdzes sku mched gnyis ka phyis dpon chen kun dga' bzang po'i phyogs su chas nas/ bla ma 'phags pa dang thugs ma mthun pas/ se chen gyi lung gis spyugs nas/ gcen po sman rtse'i yul du 'das/ de'i dbon po yon tan dpal zer ba gcig gis gdan sa byas so/ /gung pa la chos rje pa'i slob ma skyo ston dri med/ de nas dbon rgyud med par slob mas gdan sa bzung / bla ma ngharma ye shes/ gung pa dpal rgyal/ gu shrI shes rgyal/ gung pa bkra shis bzang po da lta'o/ /bla ma bkra shis bzang po bzhugs ma bde bar gung pa blo bzang kyis chos 'chad thog gcig byas pa gdan sa dngos min/ khang gsar chen mo ba'i rgyud la/ sum pa grags rgyal gyi sras bla ma grags pa 'od zer/ /bla ma shar pa rdo rje 'od zer ba dang / bla ma ye pa'i btsun pa yin/ phyis bla ma 'phags pa'i dkon gnyer rgan pa thob/ slob dpon ngharma pA la'i phyag phyi la gong du byon/ bla ma dus 'khor ba'i rjes la se chen gyi dus su ti shri mdzad nas dgung lo lnga bcu rtsa brgyad la gong du 'das/ de'i gcung po'i sras bla ma sangs rgyas dpal gyi dus na khang gsar blangs/ gong du