[A:166]ol ja du dang / gu yug gan rgyal po/ bu yan du rgyal po gsum gyi bar du ti shri mdzad nas/ dgung lo bzhi bcu zhe brgyad la gong du 'das/ de'i sras bla ma grags pa rgyal mtshan gu shri mdzad/ kun spangs mdzad pa'i ngang la rtanag gi brag ske rag can du dgung lo nyi shu rtsa drug la grongs/
'ga' zhig gis thar pa gling du gshegs par 'dod
khang gsar ba'i pha spun ring po'i rgyud slob dpon chen po nyi ma rgyal mtshan gong du gu shrI mdzad nas 'das/ slob dpon chen po bde legs rgyal mtshan la'ang gong ma'i lung gis shel dam byin/khang gsar bla brang du bskos/ phyis kha chu'i bar du sku gshegs so/ /dpal sa skya'i gdung rgyud dri ma med pa 'di dngahor rgyal po yon mchod du 'brel nas/ gtsug lag gnyis ka'i sgo nas bod khams bskyang ba'i phyir/ zhor las byung ba dpon chen gyi rim pa ni/ sa skya dpon chen la snga ba shAkya bzang po/ chos rje ba byang ngos su byon dus/ 'u yug pa dang shar pa sher 'byung ma gtogs/ dge ba'i bshes gnyen rnams kyang phyag 'tshal du bcug nas sa skyar bskos/ bla ma 'phags pa'i dus su/ se chen gyi lung gis zam lu ghun dben hu'i dam kha byin nas dpon chen la bskos/ khang gsar chen mo btab/ lha khang chen mo dang lcags ri phyi nang brtsigs/ 'di'i dus su dbus su bu slob kyi kha 'dzin la dpon kun dga' rgyal po bskos nas/ spe tshal/ snang tshal/ dga' mo grong la sogs