[A:169]dgu pa/ kha che paN chen bod du byon tshul skor/ kha che paN chen ni/ kha che grib rtan du yab tshong dpon srid brtan zhes bya ba dang / yum dge legs ma zhes bya ba'i sras su lcags pho spre'u'i lo la sku 'khrungs pa/ paN chen shAkya shri'i sku che ba'i yon tan bsam gyis mi khyab pa rnams rnam thar las ston la/ khyad par bod du byon tshul/ de bzhin gshegs pa gtsug tor can dang /gser mdog can dang / gnam thos sras gsum gyis lung bstan nas kha ba can gyi ljong sa su byon pa yin/ khro phu lo tstsha ba byams pa dpal gyis rgya gar shar phyogs nas gdan drangs nas gro mo'i la la byon/shing pho byi ba'i lo la paN chen dgung lo drug cu rtsa lnga bzhes pa la khro phur phyags phebs te dbyar gnas mdzad pa'i tshe/ zhing gnyan chung ba'i steng du gtsug lag khang dga' ldan gyi 'gram bting / sa 'dul ba dang / bar chad bsrung ba dang / byin 'bebs pa thams cad bla ma paN chen pa nyid kyis mdzad/ de nas bzung nas gtsang du lo gcig dbus su lo gcig mnga' ris su lo gnyis te/ spyir bod du lo bcu tham pa bzhugs nas bstan pa dar bar mdzad/ chu pho spre'u'i lo la dpal khro phu'i byams chen khru brgya pa pho brang dang tshar nas/ bre'i zla ba'i tshes gsum nas bcu'i bar du rab gnas mdzad/