[A:172]grags bskos/ khong rang 'dam bar du byon/ der bla ma chen po bsnyen rdzogs mdzad tshar zer ba gsan nas/ log nas zur du bzhugs pas gnyis su gyes pa'i mkhan po byang chub dpal rang gi rjes su mkhan po bde ba dpal/ de rjes mkhan pa ka bzhi pa grags gzhon/de rjes mkhan po bsod nams grags/ de rjes mkhan po bsod nams bzang po/ de rjes mkhan po gzhon nu mgon/ de rjes mkhan po grags pa rgyal mtshan/ de rjes mkhan po grags pa bshes gnyen da lta bzhugs pa'o/ /yang mkhan po gtsang pa'i rjes su khong rang gi dbon po gzhon byang / de rjes khong rang gi dbon po 'dul tshad pa byang chub bzang po/ de rjes mkhan po yon tan rgyal mtshan/ de rjes mkhan po dpal grub pa da lta'o/de ltar chos lung pa dang / dge 'dun sgang pa gnyis mkhan po byang chub dpal las brgyud pa'o/ de ltar tshogs sde bzhi ni paN chen shAkya shri nas brgyud pa yin la/ spyir bod kyi sdom brgyud 'di la/ bzhi kun: =gzhi? thams cad yod par smra ba las/sde pa gzhan rnams ni bod du byung ba med/ yang dag par rdzogs pa'i sangs rgyas/ sha riri bu/ sgra gcan 'dzin/ bram ze sgra gcan 'dzin/ klu sgrub legs ldan 'byed/ dpal sbas/ ye shes snying po/ zhi ba 'tsho/ zhes bsam yas kyi gyang ris la yod zer/ des sad mi mi bdun la sogs pa mang du byung ba ni bstan pa snga dar yin la/ phyi dar gyi mkhan rgyud la/ snga rabs pa rnams la