[A:174]spun gnyis te bcur byed/ 'ga' zhigaklu mes/ 'bring / dba'/rag lo tshongaste drug gi bla chenal blangs/ gzhan rnams kyis rting la grum la blangs zhes snga phyir bzhed par gda'/ sum pa ye shes blo gros/ gar mi yonatan g.yung drung / dmar shAkya byang chub la sogs pa rting la grum gyi mkhan bu yin par bzhed/ klu mes kyi rting la grum lus pa yin/ gzhan rnams kyis sngon la byon pa'i rjes glong thang du zin nas sdong yong par bzhed do zhes zer zhing / de ltar bzhed lugs mang du yod kyang / thams cad mkhyen pa bu ston gyi chos 'byung chen mor 'jad kyi 'gyel mi gtsang rab gsal/ bo dong pa/ g.yo dge 'byung / stod lung pa dmar shAkya mu ne te/ bstan pa'i rtsa mi gsum gyis mdo smad du byon pa las/ gtsang rab gsal gyis mkhan po byas/ g.yos slob dpon byas te/ bla chen pos dge tshul mdzad/ mkhan slob las ming sbyar de dge ba rab gsal du btags/ mkhan slob snga ma dang / dmar gyi gsang ston byas te bsnyen par rjogs/ de nas lo lnga lon dus su dbus gtsang gi mi bcus slebs te/ gtsang la bka' drin zhus pas nga rgas pas bu mi 'khyongs pas bla chen po la zhus gsungs nas zhus pas/ nga bsnyen par rdzogs nas lo lnga las ma lon/ mkhan po mi btub gsung ba la/ gtsang na re/ dmigs bsal la btub gsungs nas/ bla chen gyis mkhan po byas/ gtsang dang g.yos las slob dang gsang