[A:19]mthun pa mang du yod kyang / grags che ba gtso bor bzung nas chos rje sa skya pa khu dbon gyi bzhed pa ltar/ lo tsA ba chen po bu ston gyi gsung la/ chu pho khyi lo la bla ma ti shri kun dga' blo gros rgyal mtshan dpal bzang po bod du bsnyen rdzogs la byon pa'i lo yan chad la lo sum stong bzhi brgya lnga bcu rtsa lnga 'das/ rtsa drug pa'i steng na yod ces chos 'byung nas gsungs la/ gnas lnga rig pa'i bla ma chos rje bsod nams rgyal mtshan dpal bzang pos 'jam dbyangs gu shri'i yar lung chos 'khor gyi dus su rtsis pa na/ rgya'i rgyal rabs dang /li'i rgyal rabs dang / rgya gar gyi rgyal rabs las byung ba'i tshul gsum mchis pa las/ rgya dang li'i rgyal rabs las byung tshul la mtha' gcig tu nges pa mi snang / de gnyis btang snyoms su byas te rgya gar gyi lugs brjod na/ bla chen kun blo bsnyen rdzogs la byon pa'i chu pho khyi nas lo lnga bcu rtsa gcig 'das shing / rtsa gnyis kyi steng na yod pa chu mo glang la 'jam dbyangs gu shri'i chos 'khor byas pa yar bcad la/ bstan pa lnga brgya phrag bcur gnas pa'i lugs kyis/ lung gi dus gsum las mngon pa spyod pa'i dus 'das te/ mdo sde spyod pa'i dus las lo gnyis rdzogs nas lhag ma lo bzhi brgya go brgyad/'dul ba'i dus lnga brgya phrag gcig ste/ bstan pa mtshan nyid pa lo dgu brgya go brgyad/ rtags tsam 'dzin pa lnga brgya ste/ stong bzhi brgya go brgyad slan chad 'byung bar bzhed do/ /dus 'khor lugs