[A:18]la/ des ku ma ra ta la/ des sha ya ta la/ des bha su ban dhu la/ des ma no ta la/ des ha ka li ka na ya sha la/ des dge slong seng ge la bstan pa gtad par bshad do/ /chos 'byung chen mo las/ / snying rje chen po pad dkar las/ ston pa 'das nas bstan pa sus 'dzin zhus pa'i lan du/ kun da ga' bo dang dge slong 'od srungs khyod gnyis kyis lo bzhi bcu lhag tsam du nga'i dam pa'i chos 'dzin par 'gyur ro zhes dang / yang byang phyogs kyi rgyud du grong khyer ngho mchog ces par khyim bdag ral pa can zhes bya ba 'byung / des nga'i lus dang nyan thos rnams mchod par gyur te bskal pa stong nas/ bskal pa bzang byedal bkod pa chen pos legs par brgyan pa'i 'jig rten du sangs rgyas kun tu snang ba zhes bya bar 'gyur ro zhes mnga' bdag ral pa can lung bstan no/ /de ltar na bstan pa 'dzin pa'i gang zag mang pos bstan pa la bya ba rgya chen po mdzad do/ /khyad par du gnas brtan chen po bcu drug gis bstan pa bskyangs te/mya ngan las mi 'da' bar thub pa'i gsung sgrub cing bstan pa skyong bar byed do/ /skabs 'dir yi ge mang ba la 'jigs pa la mi blta ba rnams kyis rgyan drug mchog gnyis kyi rnam thar dang / grub chen brgyad cu dang / gnas brtan bcu drug gi lo rgyus la sogs pa dpag tu med pa bsnan du yod do/ /de lta bu'i bstan pa de dus ji tsam zhig gnas snyam na/ lung dang mkhas pa rnams kyi bzhed pa mi