[A:24]byung / bsi tsin rgyal po'i dus su rgya gar gyi paNDi ta rgan po gcig gis rgyal po la rgya gar dang ljang yul gyi bar rgyal khams chung ngu gcig na/ sngar sangs rgyas shAkya thub pa sum cu rtsa gsum du byon pa'i dus su bzhengs pa'i lha sangs rgyas dgung lo drug gi sku tshad jo bo shAkya dang sangs rgyas kyi ring bsrel/ ku ma ra shri zhes pa'i paNDi ta mkhas pa gcig yod/ der rgyal khams chung bas 'gro don mi 'phel bar 'dug khyod kyis dmag btang nas blangs par song na sems can la phan pa rgya chen po 'byung zer bas/ rgyal po de la blon po zhing gi ching sang gcig dang / chu mi dben gyi dmag dpon gcig yod pa la/ dmag khri tsho bzhi bcu tham pa bskur nas sa cha der btang /slebs pa'i dus su sa cha de'i rgyal po'i tshig la khyod dang nged 'khon ni med/ dmag 'di tsam yong ba ci yin zer ba la/ jo po shAkya dang /sangs rgyas kyi ring bsrel/ paNDi ta gsum 'dod mi bskur na dmag rdeg pa yin byas pas/ jo bo shAkya dang ring bsrel dngos su yod pas bskur/ paNDi ta de na ning nas 'das/ de'i bu lo bco brgyad 'gro ba ku ma ra shri chung pa zer ba gcig bskur ba yin zer nas bskur/de rnams khyer nas dmag dpon de phyir log sangs rgyas kyi ring bsrel yang bden pa e yin mi shes/ byis pa 'di la'ang ci yang mi nyan zer nas bkur sti chen po ma byas pa la/ nyin gcig khong rnams rta bzhon nas yong gi yod pa'i lam du/ rta rgod ma gcig