[A:38]'gyur ba 'ong byas pas/ sang rma chu la snga mor bltas pas de bzhin du byung / de ci 'thad byas nas/ rgyal po dpon g.yog gsum gyis dam kha skyel du phyin pas/ mi nyag rgyal po rta pa bdun dang phrad nas dam kha blangs/ rgya'i rgyal po bsad/ de nas rim gyis blon po che ba rnams bsad/ rgya'i yul du grags pa la/ rgan mo gcig gi kha'i nyes pa la zur gsum sgo drug yod pa'i rgya mkhar bshig ces pa byung / mi nyag rgyal po de la pha'i ming nas gras te ga'i dzu rgyal po zhes pa btags/ de nas rgyal rabs drug na/ mi nyag rgyal rgod byung / de'i dus su bsi zhan/ bod skad du sems nag po'i ri zhes pa skyes pa'i mis rgyal po'i blon po byas nas/ rgyal po gsod par 'gyur zhes pa rgyal rgod kyis tshor nas/ ri de la yod pa'i mi thams cad bsad na e 'thad ces tha'i hu la zhus pas/tha'i hu chos la dkar bas ma nyan/ de nas rgyal po byang ngos su sdod ma nus par 'ga' ru 'phos kyang / phyis ri de la skyes pa'i mi gcig ma tshor bar rgyal po'i blon po thob nas/ des mi nyag rgyal rgod bsad/ de'i rjes su rgyud chad nas tho'o dzi zhes pa'i rgyal po gzhan gcig byung ba'i dus su/ jing gi rgyal pos rgyal sa phrogs te/ mi nyag rgyal po srog me yin/ jing gi rgyal po'i srog chu yin pa'i don la/ji tsam 'thab kyang ma thub pa yin/ mi nyag rgyal rgod kyi skye ba rgyal po go dan yin/ khong byang ngos su slebs pa dang / sngar rgyal rgod bsad