[A:46]zom la sbas/ gnam nas gser gyi thig gu byung nas spur gyi steng du thim pas/ gnam lha gser thig tu mtshan gsol nas/ da lta yul de'i yul lhar yod do/ /de nas ru las skyes kyis nyang ro sham po mkhar gyi ri la bya rgod kyi tshang du phyin/ rgod bsad pa'i gsob tu bzhugs/ sham po mkhar gyi rtse la babs nas lo ngam pho brgya brang la sla nga bkab cing bsad/ lo ngam mo brgya mgo la zangs 'u sbubs shing bsad / long phrug thams cad brag la brdabs shing bsad/ sham po mkhar gyi rtse phab nas sku mkhar 'phying ba stag rtse'i rmang rdo byas so/ /sha'u yug thams cad snangs su spyad do/ /de nas rje spu de gung rgyal gyi zhal nas/ ru las skyes khyod kyis nga'i yab kyi go bgyis nas nga rgyal sar bton/ sras kyi go bgyis nas yab kyi sku mtshal gnyer/ khyod la che smon chung smon/ ming khu khu khu lha bu smon bzung du 'dogs so zer ro| /rgyal po yab sras 'di gnyis kyi ring la blon ru las skyes dang de'i bu lha mgo dkar gnyis kyis byas te/ yab gri gum btsan po'i ring la zhang zhung dang / bru sha'i bon pos gshin gyi dur bon byung ngo / /sras spu de gung rgyal gyi ring la sku mkhar 'phying ba stag rtse brtsigs/ sgrung dang lde'u byung /gnam bon gshen po che byung po / /blon po mdzangs po de gnyis kyi ring la/ 'brong thul du sdebs/ chu yur bar bcug spang zhing du rmas/ sol bas rdo bzhu dngul zangs lcags gsum bton/