[A:50]nyes/ lto gos kyis nyon mongs sam byas pas/ mo na re/ lto gos kyis nyon pa min te/ nga rang gi yul gyi zas gcig yod pa de 'di na med pas lan pa yin pa 'dra zer/ 'o na de len la zo byas pas/ g.yog mo dam pa gcig len du btang / mos sbal ba mang po mar du btsos nas mdzo dang / rta khal du bkal nas byung /mos de rnams mdzod du sbas shing zos pas/ mdzes shing bkrag mdangs ldan par gyur pa dang / rgyal po'i thugs dgongs la/de zas rung ba gcig yod pa lta yod/ ngas kyang bzar rung ngo snyam nas/ blon pos gros btab kyang ma nyan te/ btsun mo rgyal srid nyul ba la btang nas/ lde tshab kyis sgo phye nas/ sbal ba'i ro mang 'dug pa mthong bas rgyal po rnam rtog skyes te/ mi dang ma phrad bdud mo zhig dang phrad do snyam pa byung/ btsun mo de la sras gcig bltams pa yang dmus long gcig byung / ming yang dmus long dkon pa bkra shis zhes par btags/ rgyal po la yang bsnyun du mdze byung ste/ yab yum gnyis blon po gnyags thang ba yar rje dang gsum ka gson po dur du bzhud de/ sras la zhal chems bzhag pa ni/ bsam pa bzang po gser dang 'dra bas te/ /bzang po'i gros ni bdud rtsi yin gyis nyon/ /ngan pa rnams kyang me dang 'dra bas gso/ /mi chos rtog pa yin gyis rnam rtog skyungs/ /khyod yab mes kyi gnyan po gsang ba la mchod pa gyis/ 'a zha'i yul nas