[A:62]bon lta ba mi mthun par/ slob dpon ka ma la shi la spyan drangs pas/ rtsod pa chos phyogs su bzlums shing / ka ma la shi las sgom rim gsum mdzad nas rgyal po'i phyag tu phul/ btsan po'i zhal nas rgya gar gyi mkhas pa rab tu byung pa spyan drangs te/ nged kyis yon bdag byas/ lo tstsha bas gtan la phab pa'i chos la 'jug par bya'o/ /paNDi tas ma bshad/ lo tstsha bas ma bsgyur/ rgyal pos yon bdag ma byas pa'i chos la 'jug par mi bya'o zhes bka' nan drag tu bstsal te/ bka' tshigs kyi mi ge gsum mdzad/ lta spyod dri ma med pa la bkod/ rgyal po nyid kyis kyang rgyal ba'i yum stong phrag brgya pa'i 'grel pa chen po bam po bdun cu rtsa brgyad pa dang /grub pa'i mtha' 'grol ba sho lo ka bzhi bcu/ bka' yang dag pa'i tshad ma bam po bdun la sogs pa bstan bcos mang du mdzad do/ /de ltor chos skyong pa'i rgyal po de nyid dgung lo lnga bcu rtsa drug pa shing mo glang gi lo la zung mkhar du sku gshegs zhes rgyal rabs 'ga' zhig nas bshad cing / bang so ni/ khri srong lde btsan bang so mu ra ri la brtsigs/ /gral ni yab kyi rgyab ngos g.yas na bzhugs/ /yab kyi 'od pa bsrungs ma lags so skad/ /de ni ma grongs pa nas nyid kyis brtsigs/ /ming ni 'phrul ri gtsug snang bya bar btags/ /bang so phyi rgyan can zhes grags pa yin/ /de'i rtsa na rdo rings yi ge can gcig kyang yod ces bshad kyang / dba' bzhed na/ rgyal