[A:64]zer/ shing mo lug la brag dmar du 'khrungs/ lo nyi shu rtsa bzhi na gcen grongs nas rgyal srid lo sum cu so gnyis bzung / rgya gar gyi paNDi ta bi ma la mi tra dang / ka ma la shi la dznya se na/ bal po hum ka ra rnams kyi zhabs na bteg sngar ma bsgyur ba'i chos mang po bsgyur/ skar chu rdo rje dbyings kyi gtsug lag khang bzhengs su gsol/ bod 'bangs bde ba la bkod/ dgung lo lnga bcu rtsa bzhi me mo bya lo la sgrags kyi phur 'das so/ /rgyal chen bang so 'phrul rgyalamadun na yod/ /yum gyi chab gang skongs pas nangs kyi mtho/ /ming ni rgyal chen 'phrul ri lags so skad/ /rje de la sras lnga ni/ gtsang ma/ dar ma/ ral pa can/ lhun rje/lhun grub bo/ /lhun rje lhun grub gnyis sku gzhon nur gshegs pas bang so yang med skad/ bar pa khri gtsug lde btsan ral pa can me pho khyi la 'khrungs/ lo bcu gnyis la yab 'das nas mnga' gsol/blon po brang kha dpal gyi yon tin gyis byas/ rgya gar gyi mkhan po dzi na mi tra la sogs pa paNDi ta mang po spyan drangs/ sngar ma bsgyur ba'i chos mang po bsgyur/ skad gsar bcad kyis gtan la phab/bkas bcad rnam pa gsum mdzad/ tha na bre dang srang la sogs pa rgya gar dang mthun par bcos so/ /rab tu byung ba re re la 'bangs mi khyim bdun bdun phul/ thugs dam du 'o shang rdo dpal dpe med bkra shis dge 'phel gyi gtsug lag khang la sogs pa bzhengs/