[A:65]'di'i yan chad du chos rgyal byang chub sems dpa' rnams kyis gtsug lag khang stong rtsa brgyad bzhengs par 'dod do/ /chos rgyal mes dbon gsum po 'di'i ring la bka' bstan bcos du ma bsgyur zhing /de dag la'ang lhad zhugs kyi dogs nas btsan po mes dbon gyis bka' bstsal te/ lo tstsha ba dpal brtsegs la sogs pas chos kyi rnam grangs rnams kyi brjed byang / bka' dang bstan bcos 'gyur ro cog gi mtshan dang / gzhung tshad go rim la sogs pa gtan la phab ste dkar chag tu bkod pa/ pho brang chen po stong thang 'dun dkar dang / bsam yas mchims phu dang / 'phang thang rnams su brtsigs te bka' chems kyi zla ma bzhag go /rgyal po 'di ni phyag na rdo rje'i sprul pa yin te/ sdar yab mes kyi ring la ma 'dus pa mang po chab 'og tu bcug rgya nag po dang btsan po dbon zhang bzlums bya bar 'chad pa ma 'cham nas/ bod ru bzhi nas dmag stong sde bco brgyad dar chen khrig ge ba khrid nas/ rgya yul du dmag dmag drangs/ rgya'i gon po thams cad bkum nas rgya cham la phab/rgya'i hwa shang dang bod kyi paNDi ta rnams kyis bar dang dpang mdzad nas/ rgya'i gong gu rme rur rgya'i gtsug lag khang gcig dang /btsan po'i gtsug lag khang gcig bzhengs su gsol/ de'i bar du sa la btsan po dbon zhang / gnam la nyi zla zung gcig las med do bar slangs nas/ pha bong la nyi zlu'i gzugs byas/ gong gu rme