[A:68]bzhi pa/ rgyal phran sil mi'i skabs mnga' ris rgyal rgyud sogs ji ltar byung ba'i skor/'di mar bcad nas bod nang zhig nas bod spyi la dbang sgyur ba'i rgyal po ni ma byung bas smad gsil chad du chad pa la glang dar ma'i btsun mo chen ma'i sras ni khri lde yum brtan yin la/ yum brtan gyi sras khri lde mgon mnyen/ de'i sras khri lde rig pa mgon/ nyi ma mgon/ gcung po'i sras nyi 'od dpal gyi mgon/ de'i rgyud klung shod dang / phan yul/ mdo khams na mang po / gcen pa'i sras lde po dang / rdo rje 'bar/ lde po'i rgyud bug pa can pa dang / thang lha brag pa nams so/ /rdo rje 'bar gyi sras khri dbang phyug btsan/ de'i sras che ba ye shes rgyal mtshan/ de'i sras khri pa/ yab sras 'di gnyis kyis bsam yas su klu mes la sogs pa'i sne len mdzad zer ro/ /rgyal po glang dar ma'i btsun mo chung ba g.yor mo tshe spong bza' yum chen btsan mo 'phan la/ lto bar gyi sras gcig mnga' ba/ sku gces grags pas/ blon po rnams kyis nyin par nyi ma'i 'od da dang / mtshan mo mar me'i 'od