[A:69]kyis bsrungs pas/ 'od bsrungs zhes bya ste/ shing mo lug gi yo la pho brang yum bur 'khrungs/ sum cu so dguu la yar lung 'phang thang du 'das/ 'od bsrungs kyi bang so yang / /'od bsrungs gral ni 'phrul rgyal rgyab na yod/ /ming ni skye'u lha rten lags so skad/ /de nas bang so rtsig pa yang nub skad do/ /rgyal po 'od bsrungs kyi sras mnga' bdag dpal mgor btsan/ shing mo bya lo la yar lung 'phang thang du 'khrungs/ lo bcu gsum la yab 'das/ rgyal sar bton/ sman lung la sogs pa'i lha khang brgyad bzhengs/ de la sras gnyis/ khri bkra shis brtsegs pa dpal dang / khri skyid lde nyi ma mgon gnyis so/ /nyi ma mgon mnga' ris su byon pas/ spu rang su sku mkhar nyi bzungs brtsigs te chab srid bzung / de la sras gsum/ che ba dpal lde rig pa mgon gyis mang yul bzung / bar pa bkra shis lde spun gyis spu rangs bzung / chung ba lde gtsug mgon gyis zhang zhung bzung / nyi ma mgon gyi sras gsum po 'di la stod kyi mgon gsum zer/ lde btsun mgon la sras gnyis/ srang nge dang 'khor re gnyis so/ /de'i dus na dbus gtsang na sdom pa dang bshad nyan gyi bka' chad nas med do/ /btsan po srong nge'i sku tshe'i stod la khab bzhes te sras na ga ra dza dang nghe ba ra dza'o/ /sku tshe'i smad la yab mes kyi bka' tshigs kyi yi ge gzigs pas thugs skyo nas/ yab kyi gdung gsob pa'i phyir rab