[A:82]la sogs bu bcu gcig yod/ stobs kyi 'khor lo sgyur ba go pe la 'di dgung lo bzhi bcu rtsa drug bzhes pa/ lcags pho spre'u'i lo la rgyal sar bzhugs nas/ jo thung lo lnga/ spyi dben lo sum cu ste/spyir rgyal sar lo sum cu rtsa lnga bzhugs pa la/ bla ma 'phags pa dang yon mchod du 'brel/ bstan pa'i zhabs tog bsam gyis mi khyab pa mdzad pa rnams brjod kyis mi lang / khyad par du shang to dang ta'i tu'i pho brang chen po dang / mchod rten dkar po la sogs pa bzhengs/ don gcig la sman rtse'i rgyal khams chen po 'og tu 'jug par dgongs nas/ bla ma 'phags pa la lung byon nas/lho phyogs 'di ni sman rtse'i rgyal khams yod pa rnams 'og tu bcug nas/ bstan pa'i zhabs tog dang / hor gyi dmag mi rnams la she mong snon pa e 'thad byas pas/ bla ma chen po'i gsung gis/da lta khyed la g.yog bzang po mi 'dug nged kyis kyang dkon mchog la gsol ba 'debs/ skabs lta gsung / skabs der ju ju mgon khang bzhengs te/ chos skyong gi zhal lho phyogs su gzigs pa byas/ yang sngar zo rog ta'i bu rnams rgyal khams bsgos pa'i dus na dpon mo zo rog ta'i gsung gis hu la hu gzhon pa 'di sog po'i yul khams ring po la 'gro ba snying re rje zer nas/ g.yog bzang bzang thams cad phyin pas/ mi dpon bzang po mang po yod pa'i don la/ ba yan gong ma la zhu lan 'degs pa dang / 'dab nor