[A:84]gcig pa'i zhing bcu gsum mnan/ bstan pa rin po che dang /bstan pa'i rtsa lag bla ma dam pa 'phags pa la phu dud bsam gyis mi khyab pas mchod/ bla ma 'phags pa rtsa ba'i slob dpon du bkur/dus gtan gyi bya ba rnams gros su bstun nas 'jags su bcuganged rgyud nas rgyud kyi bar la/ bla ma 'phags pa'i rgyud pa slob dpon du khur la/ dge ba rgyun mi 'chad du chug gsung ba'i lung sbyin/ yangs pa'i rgyal khams thams cad gcig tu bsdus nas/ 'dzam gling phal cher bde ba la bkod do/ /dgung lo brgyad cu bzhes pa shing pho rta'i lo la gnam du gshegs pas mtshan se chen gan du gsol lo/ /go dan gyi bu ji big thi mur la sogs bu gsum yod/ kha sha'i bu kha'i du/ gzhan ni bgrang gis mi lang / 'di rnams ye ka theb can nas gal che rims bshus pa yin/ se chen rgyal po'i btsun mo cha bu la/ rdo rje/ jing kim/ mam gha la/ no ma gan dang bzhi'o/ /ma chung ba'i bu/ hu kar che/ a rog che/a ya che/ god log tho mur/ e sen bo kha/ tho gan/ go go chu/ rdo rje la sras med/ jing kim gyi sras che ba ka ma la/gnyis pa ngharma pha la/ gsum pa the mur/ 'di rgyal sar bton/dben cing lo gnyis/ ta'i ti lo bcu gcig ste/ lo sum cu rgyal sar bzhugs nas gnam du song ba la ol ja du rgyal por mtshan gsol/ de'i bu ti thi gzhon pa la 'das/ ngharma pha la'i sras che