[A:86]de la mi dpon rnams na re/ de tsam rgyal sa stong par 'jog pa rgyal khams kyi khag sus theg zer ba la/ e la the mur na re/ khyed si then tha pa rnams kyis da dung legs par rtsis/ de ltar bden na gong ma sku tshe ring ba las lhag pa med/ de bar du rgyal khams kyi khag ngas khur zer nas/ zlab drug rgyal sa stongs/ khrims kyi bya ba rnams e la the mur gyis byas/ de rting chu mo bya'i lo zla ba drug pa'i tshes brgyad la pho brang chen po shang dor rgyal sar bton nas ci shun lo gcig dben thung lo gnyis/ ci dben lo drug ci ji lo sum cu rtsa dgu ste/ spyir rgyal sar lo bzhi bcu zhe brgyad bzhugs/rgyal sar thon nas lo so brgyad lon pa sa pho khyi lo la ti shri kun dga' rgyal mtshan dpal bzang po zhi bar gshegs/ sog po'i mi dpon ngo log nas pho brang chen po shang do mes bsregs/ de bzhin gshegs pa'i tshems mche ba dang lhung bzed gar song cha med do zhes gleng / sa pho spre'u lo zla ba brgyad pa'i nyi shu dgu'i sros la/ gong ma yab sras pho brang chen po ta'i tu nas 'bros dgos pa byung ste/rgyal sa shor nas hor yul la gshegs ces grag go /se chen rgyal po'i btsun mo chung ba'i sras a rog che nyi ma nub phyogs shes su bcug nas dbus gtsang du'ang byon/ ngo log mang po mnan/ de'i sras the mur sbo khas kyang gdan sa chen po'i zhabs tog dang / khrims chen po la phan pa'i bya ba bzang po mang po mdzad/ de'i bu lab bed