[A:༧]བྱ་འདོད་ཆགས་ལ་སྤྱོད་པའི་གཉེན་པོར་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པའི་འདུལ་བའི་སྡེ་སྣོད་ཉི་ཁྲི་ཆིག་སྟོང་། ཞེ་སྡང་ལ་སྤྱོད་པའི་གཉེན་པོར་ཏིང་ངེ་འཛིན་གྱི་བསླབ་པ་གཙོ་བོར་སྟོན་པའི་མདོ་སྡེའི་སྡེ་སྣོད་ཉི་ཁྲི་ཆིག་སྟོང། གཏི་མུག་ལ་སྤྱོད་པའི་གཉེན་པོར་ཤེས་རབ་ཀྱི་བསླབ་པ་གཙོ་བོར་སྟོན་པ་མངོན་པའི་སྡེ་སྣོད་ཉི་ཁྲི་ཆིག་སྟོང་། དུག་གསུམ་ཆ་མཉམ་ལ་སྤྱོད་པའི་གཉེན་པོར་ཟབ་མོའི་སྡེ་སྣོད་ཉི་ཁྲི་ཆིག་སྟོང་རྣམས་གསུང་། དེ་ཐམས་ཅད་ཀྱང་བསྡུ་ན། ལམ་རྒྱ་ཆུང་ངུར་མོས་པ་ལ་ཉན་ཐོས་ཀྱི་ཐེག་པ། རྒྱ་ཆེན་པོར་མོས་པ་ལ་ཐེག་པ་ཆེན་པོའི་སྡེ་སྣོད་གཉིས་སུ་འདུས་སོ། ཐེག་པ་ཆེ་ཆུང་གི་ཁྱད་པར་ཡང་། རང་ཉིད་གཅིག་པུ་ཞེ་བདེ་དོན་གཉེར་གྱི་བློས་ལམ་བསླབ་པ་གསུམ་ལ་བརྟེན་ནས་བྱང་ཆུབ་སྒྲུབ་པ་ཐེག་པ་ཆུང་ངུ་དང་། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་འདོད་ཀྱི་བློས་ལམ་ཕར་ཕྱིན་དྲུག་ལ་བརྟེན་ནས་རྫོགས་པའི་བྱང་ཆུབ་སྒྲུབ་པ་ཐེག་པ་ཆེན་པོ་ཞེས་བྱའོ། ཐེག་པ་ཆུང་ངུ་