[A:༡༠]འདུ་ཞིང་བསྡུས་པར་བཀྲལ་བ་སྟེ་མདོར་ན་ཐེག་པ་ཆེ་ཆུང་གི་ཆོས་ཚུལ་མཐའ་དག་ཀྱང་། འཕགས་པ་དགྲ་བཅོམ་པ་རྣམས་དང་། བྱམས་པ། འཇམ་དབྱངས། གསང་བའི་བདག་པོ་སོགས་བཀའི་བསྡུ་བ་པོ་རྣམས་ཀྱི་སྡུད། པཎྜི་ཏ་རྣམས་ཀྱིས་བཤད། གྲུབ་ཆེན་རྣམས་ཀྱིས་སྒོམ་པས་ཉམས་སུ་མྱོང། མཁས་པ་རྣམས་ལ་གྲགས་ཤིང་གྲུབ་པ་ཞིག་དགོས་པས། བླ་མ་ས་སྐྱ་པ་ཆེན་པོ་ནི་འཕགས་ཡུལ་གྱི་པཎ་གྲུབ་ཚད་ལྡན་རབ་ཏུ་མང་པོས་བཀྲལ་བའི་མདོ་སྔགས་ཀྱི་བཀའ་སྲོལ་དྲི་མེད་ཇི་སྙེད་ཅིག་བོད་དུ་དར་བ་ཐམས་ཅད་ཀྱི་བསྟན་པའི་བདག་པོར་གྱུར་ཅིང་། ལྷག་པར་འཕགས་པ་ཀླུ་སྒྲུབ་དང་། གྲུབ་ཆེན་བིཝ་པའི་བཀའ་སྲོལ་ཡོངས་རྫོགས་བཀའ་བབས་པ་ཡིན་ཏེ། དེ་ཡང་དགུང་ལོ་བཅུ་གཉིས་པར་བླ་མ་བ་རི་ལོ་ཙ་བས་གདམས་པ་ལྟར། ཟླ་བ་དྲུག་ཏུ་རྩེ་གཅིག་བསྒྲུབས་པས་རྗེ་བཙུན་འཇམ་དཔལ་དབྱངས་ཀྱིས་དངོས་སུ་རྗེས་སུ་བཟུང་སྟེ་རིགས་ཀྱི་བུ། ཚེ་འདི་ལ་ཞེན་ན་ཆོས་པ་མིན། །འཁོར་