[A:༡༤]སྲིད་མཆིལ་མའི་ཐལ་བ་བཞིན་དུ་བོར་ཏེ་ཤར་ཕྱོགས་སོམ་པུ་རིའི་གཙུག་ལག་ཁང་དུ་མཁན་པོ་དུལ་བའི་ལྷ་དང་། སློབ་དཔོན་རྒྱལ་བ་གྲགས་པ་ལས་རབ་ཏུ་བྱུང་། དཀོན་མཆོག་གི་རྟེན་བཞེང། དཔལ་ན་ལེནདྲའི་གཙུག་ལག་ཁང་དུ་བྱོན་ཏེ་མཁན་པོ་དྷརྨ་མི་ཏྲ་ལས་བསྙེན་པར་རྫོགས། མཁན་པོ་དེ་ཉིད་བསྟེན་ཅིང་གསན་བསམ་མཐར་ཕྱིན་པས་རང་གཞན་གྱི་གྲུབ་མཐའ་རྒྱ་མཚོའི་ཕ་རོལ་ཏུ་སོན་ན་ལེནདྲའི་པཎྜི་ཏ་ཐམས་ཅད་ཀྱི་གཙུག་རྒྱན་མཁན་པོ་ཆེན་པོར་གྱུར་ཏེ། དེ་ཚེ་སློབ་དཔོན་གྱིས་ཉིན་མོ་འཆད་རྩོད་ཀྱིས་བསྟན་པའི་བྱ་བ་རྒྱ་ཆེན་པོ་དང་། མཚན་མོ་བདེ་མཆོག་གི་ཏིང་འཛིན་རྩེ་གཅིག་ལོ་བདུན་ཅུ་ཙམ་སྒོམ་པས་རྟགས་སམ་དངོས་གྲུབ་ཏུ་ངེས་པ་གང་ཡང་མ་བྱུང་བའི་ཁར་སླར་མི་འཚམས་པ་དུ་མ་བྱུང་བས་ཐུག་མུག་སྟེ་རྡོ་རྗེ་ཐེག་པ་ལ་ལས་འབྲེལ་མེད་ལས་ཆེ། ད་ནི་བསྟན་པའི་བྱ་བ་ཁོ་ན་ལས་ཡི་དམ་ལྷའི་སྒྲུབ་པ་མི་བྱ་ཞེས་དམ་བཅས་ནས་དཔྱིད་ཟླ་ར་བའི་ས་ག་ཟླ་བའི་ཉི་ཤུ་གཉིས་ཀྱི་ཉིན་མོ་ཕྲེང་བ་ཆབ་ཁང་དུ་བསྐྱུར་ནས་ཅི་