[A:༤༨]པ་ནི། མདོ་ལ་མཁས་པ་གཡག་རོང་རྣམ་གཉིས། སྔགས་ལ་མཁས་པ་ཀུན་དགའ་རྣམ་གཉིས། མདོ་སྔགས་གཉིས་ཀར་མཁས་པ་གོ་ཤག་རྣམ་གཉིས་ཀྱིས་གཙོས་འདུལ་འཛིན་བཤེས་གཉེས་མཁས་པ་ཆེན་པོ་ནམ་མཁའི་སྐར་ཚོགས་ལྟར་བྱོན་ཞིང་དེ་དག་རེ་རེ་ལ་ཡང་སློབ་ཚོགས་གྲངས་ཚད་བཟུང་དུ་མེད་པ་བྱོན་པས་ཤེས་བྱའི་ཚོགས་ཀུན་འདར་བར་བགྱིད་པའི་མཁས་པའི་ཚོགས་ཀྱིས་བོད་ལྗོངས་དྭོགས་པོར་བྱེད་པ་ལན་མང་དུ་བྱུང་ཞིང་། སྡེ་སྣོད་གཞུང་ལུགས་འཆད་ཉན་གྱིས་གཏན་ལ་ཕབ་ཚུལ་ཡང་། ཕར་ཚད་འདུལ་མངོན་དབུ་མ་སྡོམ་གསུམ་ལ། །པོད་ཆེན་དྲུག་ཏུ་ས་སྐྱ་པ་རྣམས་བཞེད། །ཅེས་དང་། སོ་ཐར་མདོ་དང་མདོ་རྩ་འདུལ་བའི་སྐོར། །ཚད་མདོ་རྣམ་འགྲེལ་རྣམ་ངེས་ཚད་མའི་སྐོར། །ཀུན་ལས་བཏུས་དང་མཛོད་གཉིས་མངོན་པའི་སྐོར། །བྱམས་ཆོས་ལྔ་དང་སྤྱོད་འཇུག་ཕར་ཕྱིན་སྐོར། །རྩ་འཇུག་བཞི་གསུམ་ཆེས་ཟབ་དབུ་མའི་སྐོར། སྡེ་བདུན་མདོ་བཅས་དགོངས་འགྲེལ་