[A:༥༠]སྣོད་འཛིན་པའི་དགེ་འདུན་གྱི་འདུས་སྡེ་ཆེ་རྒྱ་མཚོའི་གོས་ཅན་ལ་རིན་ཆེན་ཕྲ་ཚོམས་ཀྱིས་བརྡལ་བཞིན་མཛེས་པ་བཏབ་པའི་གྲངས་ནི་སྨོས་ཀྱིས་མི་ལངས་མོད། བརྒྱུད་འཛིན་གྲགས་ཆེ་བ་འགའ་ཞིག་གི་གདན་ས་ལ། དེ་ཡང་ངོར་ཨེ་ཝཾ་ཆོས་ལྡན་ནི། སྔགས་ལ་མཁས་པ་ཀུན་དགའ་རྣམ་གཉིས་ཞེས་པའི་ནང་ཚན་ངོར་ཆེན་རྡོ་རྗེ་འཆང་ཀུན་དགའ་བཟང་པོས་རབ་བྱུང་བདུན་པའི་ས་བྱ། ཕྱི་ལོ་ ༡༤༨༩ ལོར་ཕྱག་བཏབ། འཕགས་པ་དགེ་བའི་རྩ་བ་ཡོངས་སུ་འཛིན་པའི་མདོ་དང་། མདོ་སྡེ་པདྨ་དཀར་པོ་སོགས་ལས་རྒྱལ་བའི་ལུང་གིས་མངོན་པར་བསྔགས་པའི་སྐྱེས་བུ་ཆེན་པོ་དེ་རབ་བྱུང་དྲུག་པའི་ཆུ་ཁྱི་ལོར་འཁྲུངས། ཚུལ་ཁྲིམས་དང་ཏིང་ངེ་འཛིན་དང་ཐོས་བསམ་སྒོམ་པའི་ཤེས་རབ་དང་གཟུངས་དང་སྤོབས་པ་སོགས་འགྲན་པའི་ཟླ་མེད་པས་འཆད་རྩོད་རྩོམ་གསུམ་གྱིས་རྒྱལ་བའི་བསྟན་ལ་སྟོན་པ་གཉིས་པ་ལྟ་བུའི་བྱ་བ་མཛད། གསུང་ངག་ལམ་འབྲས་ཚར་བརྒྱད་ཅུ། རྡོར་ཕྲེང་དྲུག་ཅུ་ལྷག་གིས་མཚོན་དབང་འཁྲིད་མན་ངག་གནང་བ་